منتديات الحيدري الثقافية


 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 بيت ابو ذيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هيثم الشطري

avatar

عدد الرسائل : 3
العمر : 39
تاريخ التسجيل : 11/02/2008

مُساهمةموضوع: بيت ابو ذيه   الجمعة فبراير 15, 2008 2:53 am

تكت من دم دمعتي ما شفتلي
مبطيه جروح كلبي ما شفتلي طبيب الناس كلي ما شفتلي دوه ايسكن ونين الهاج بيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   السبت مارس 08, 2008 5:22 am

صب دمعي على الوجنات ياهل
أوماتدرون بيا اشصـــــار ياهل
صرت عصفور جني بيـد ياهل
أهـو يــلعب وانــا اشــــنون بيه
بقلم خضر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   السبت مارس 08, 2008 5:24 am

لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   السبت مارس 08, 2008 5:27 am

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   السبت مارس 08, 2008 8:07 am

مايوم روض الوفه من الورود أحمد

للمشى بخير وسعى واجب عليّ أحمد

حبي اودادي لنبينا المصطفى أحمد

دايم يظل متصل ياربي إشهد عليّ

خل يكصي بيّه الدهر ويزيد ضيمه عليّ

ماعوف حب الوصي وابكه بولاية علي

بستان حيدر زهى هاك إنظر الزهره

واللي يذب لي زهر ما همّنه الزهره

للموت أصيح بحزن مظلومه يالزهره

حب الزكية عمل ما يصح مثله حسن

وعروكي ماي الوفه من نهر ودها حسن

عد يا مره منولد مثل الإمام الحسن

الحنظل بودهم عسل ياشفافي بيه لحسين

بحب آل طه ارتقي من أحسن لأحسين

هنياله كلمن صبح خادم صدك لحسين

اللي يضدهم هلك لو عمره ظل سجاد

لشيعتهم آنه فرشت جفن النظر سجاد

ومنك خذيت الصبر يا سيدي السجاد

بصبر العليل إعترف وك يا زمن با قر

عود الصبح للعلم بين الملا باقر

أرسل سلامه النبي لمحمد الباقر

أهل الذكر نهجهم إخذه وعليه صادق

ماعدهم أبدا زلل كل قولهم صادق



خل يبرد بشفرته دهري ويحد موسه

عاشك وعكلي شرك جن العشك موسى

لحاجتك يامن ردت صد وجهك لموسى

كلمن كصد حضرته بالخير رد ورّضى

نسحك بعظم اليضد ونكسره ورّضه

بالكاظم آنه أقسمت ياسامعي والرضا

حبهم لروحي درع بيه المخاطر تقي

والبايع آل النبي محسوب هذا تقي

يامذهب إمامهم كللي جواد وتقي

مذهب الشيعه الصبح للغانمه هادي



لعاشر أنوار الهدى من فاطمة الهادي

عسكر بصدر الشعر ماينهزم عسكري

جندي لبني فاطمة وأكضي العمر عسكري

لمن يهل بالنصر إبنك ياهالعسكري

المتسمي بإسم النبي مهدي الأمم أحمد
_________________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الإثنين مارس 10, 2008 8:44 am

عشكتك عشك بابل وسومـــــــــــر
وانا كلبي من العشك زنجر وسومر
جنت اشرب تتن دنهر وسومــــــــر
وهسة الاسبين غالي عليـــــــــــــــا
...............................................................
الدمع نهران من العين ينساب
طريح اولا صفالي الوكت ينساب
اليسب الناس لابد يوم ينساب
ويظل مكروه مابين البريه
*************************************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الإثنين مارس 10, 2008 9:01 am

زماني سلب من عيني وسنها
وعلي سيوفا جردها وسنها
انسمر كلبي ابظافيرها وسنها
وعفه كلبي شكثر يحمل اذيه
*************************************
حنيت انا لبغداد ولشوفة الناس
واللي ما يحب بغداد ما عنده احساس


عراقي واصيح بعالي صوتي
واضل للموت جنسيتي عراقية
واذا مستثقل اسمي
هم اجي وياك شيل ال( ع) هم ابقى اني راقية

الغربة ما تنراد بس والله مجبور
عمرك شفت عدل يسكن بالكبور

ياعراق انهض كوم واسند علينا
بدموعنا نسكي الي يبس و نشيلك بدينا
*************************************

كـــحل بالعــين أحبابــي يحطــون
وحمره مسومره بشفايفهم يحطون
يلــيت اهــلك بجنب اهلي يحطون
وننــــام ليالينا بالامان مداريــه
يياسر لا تمد كوسك وسهمك
تراني أمأسر بحبك وسهمــك
أذا رايد الك حصـــــه وسهمك
أخذ كلــما ردت مني هديـــه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الثلاثاء مارس 11, 2008 8:36 am

قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية
...............................................................
باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية
...............................................................
زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه
..............................................................
وحك مكة وشبل حيدر وموسى
الهوى يذبحني بسجاجينة وموسى
حبيبي لو لزم جرحي وموسى
ايده بنسلين اصير اليه
..............................................................
عباس الفضل كله وجوده
وحسين السبط علّة وجوده
سهم الصوب اعيونه وجوده
كسر ضلعين للزهره الزجيه
...............................................................
يعظم الله مصايب هاي ماجور
وتظل الكلوب تبجي اب ظلم ماجور
اظن فاعل فعلته اوياك ماجور
عسى لا هنا اب نومه هنيه
..............................................................
يعظم الله مصايب هاي ماجور
وتظل الكلوب تبجي اب ظلم ماجور
اظن فاعل فعلته اوياك ماجور
عسى لا هنا اب نومه هنيه
..............................................................
زينب هلبطوله الطف ظهرهه
مثلهه الارض ماحملت ظهرهه
ياوسفه الشمر ضارب ظهرهه
ابسوطه ويشتم ابحامي الحميه
..............................................................
عليك الونت وناحت علمهه
المن حيدر وابو الزهره علمهه
بني هاشم مته ترفع علمهه
نسئل يا بقية الهاشميه
..............................................................
بعسر دنياي ما اريدن يسرة
عكبكم يا فرح زينب يسرة
لون راعي الفضل حاضر يسرة
ابد جا ما مشت زينب سبيه
..............................................................
كريم ومن وصل فضلك وجودك
ثبت بكربلة وبين وجودك
لمن رايتك طاحت وجودك
احس الكاع صعدة للثريه
...............................................................
عدلة الروح لمصابك لطمة
وكوم العادتك ربك لطمة
الشيعة الزاد عزتة لطمة
بلطمة واست الزهره الزجيه
...............................................................
العتب عالكتب هالدستور عالسن
بوطنه زعلت الضحكات على السن
علاسه والشعب معلوس علسن
وقفلته وانعلس قفل الابوذيه
..............................................................
حبي ويه الوطن بالكون ماصاح
كصوا كل كتر بعظاي ماصاح
بصوت اخرس صرخ من صاح ماصاح
وانه اطرش واسمعه يصيح اليه
...............................................................
يدجاجه انتي يحليوه ونا ديج
ولوكفلج اباب الكن وناديج
هلج يردوني ابيض ونا ديج
وكاكيت وبيضت غصبن عليه
..............................................................
سجاجين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه ..
..............................................................
احلفت مبچي على افراكك ولا نوح
وبعد ماردد بأسمك ولانوح
يوسف ما ابتلى مثلي ولانوح
ولايعقوب مر مثلي بأذيه
...............................................................
[/b][/u]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الأربعاء مارس 12, 2008 10:38 am

ليالي السود حتى اسمي محنه
بسبب دهري علي أردف محنه
حبيبي أشبيك ماعدك محنه
ولك بس بالنفاه أتمر عليه
......................................................................................................
أتنخه تريد أجيك اليوم بالحال
وأنت اعرف حبيب الروح بالحال
شمحلها وياك ما تقتنع بالحل
أدليك الدرب وترد عليه
......................................................................................................
رشيق الطول كال أبشعر صفنه
وجمالك بالد الشعر محتاج صفنه
بطولك لو تجي وتصير صفنه
صفر ينطونه وينطوك ميه
......................................................................................................
صفنت أشبيك يالمحبوب سرحان
جثيره أهمومك أو بالروح سرحان
إذا ربعك غنم وك صير سرحان
حلات الذيب بالشده يتهيه
......................................................................................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الأربعاء مارس 12, 2008 10:45 am

جريح الوطـــــن ينزف بلاداي
وجثير اجيوش هالــطبت بلاداي
اقاتل لو صرت عـــاجز بلاداي
مثل عبـاس بارض الغاضريه
......................................................................................................
مثل عباس مايحصل وجوده
ساكي الخيم بجفوفه وجوده
ركيزة بالحرب ساعة وجوده
تصيح الغوث منه الغاضرية
......................................................................................................
صرت كهوة الحبيبي بوسط فنجان
وفن انس الي يوصله فن جان
اذا العاقل نضرلك نضره فنجن
انا المجنون وتكلي انضر اليه
......................................................................................................
انه اول احبك واخر اني
والسبب عطلني صدك واخراني
الكلب من ردت اشبكك وخراني
وركض هوة يشبكك قبل ادية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الخميس مارس 13, 2008 8:10 am

شعجب مكتوب منك ماتودنه
وعگبك مات حبنه ماتودنه
مو مشكله الوادم ما تودنه
المهم انته تودني وهاي هي
...............................................................
احبك مثل حب ليلى ومجنون
تراني معذب بحبك ومجنون
تسوى الحي واهل موصل ومجنون
والك فدوه تروح الناصرية
..............................................................
انــه شيعي وضــــل للـــموت شيعي

وانـــه الســـيد علي قـــــدمت نــــحـــري

وانـــه للـــمادره اخلــــــــــيه يـــــدري

انــــه اعــــــشكـــت الســـيد االسيستاني من زغـــــر عمـــــري
..............................................................
اشعجب دفتر عشكنه * ماتگلبه
وليش انت اليگلبك * ماتگلبه
ترا گلبي بغيابك * مات گلبه
وگلب كلبي توفه وعم عليه
..............................................................
البخلّ ما وصل يمي .... ما لحاني
وتضل وحده كلمتي .... مآألحّ آني
خضر الكسرة امي ..... مالح آني
معّزب دوم يالتنشد عليه
...............................................................
اود كل يوم ابوسة وشتمنة

وسب والعن ابگلبي وشتمنة

لون تسئل شريدن وشتمنة

اريد اهواي يرجع كون الية
..............................................................
الخوة الغير شخصك منسبتها

وعلي تاهت الجمعة منسبتها

روحي اتسودنت صدگ منسبتها

تصيح احا ولفي اشلون بية
..............................................................
اشحلاتة لو يصيح اهواي بسماي

وبطلنة العشگ منريد بسماي

حبيبي والوكت منسعو بسماي

كتلني وفرح الشمات بية
..............................................................
يگلبي ليش تجزع منخوتي

وعلي تحسبهة ذمة ومنخوتي

الذبحني يخي واحد منخوتي

اخوي چنت احسبة احزام الية
.............................................................
اظل بسمك حبيبي ها تفانا

ولو مرة يولفي ها تفانا

تعال لشبيك قابل ها تفانا

مخبل ها وگول الصوچ بية
..............................................................
يچدمي جوز لاتوصل وعتبيه

ويعتني انا العشگ ليهم وعتبيه

اخوي الي چنت غافي وعتبيه

طلع ملعون وافعالة ردية
..............................................................
اشحلاتة لو يصيح اهواي بسماي

وبطلنة العشگ منريد بسماي

حبيبي والوكت منسعو بسماي

كتلني وفرح الشمات بية
..............................................................
حبيبي جنة نجم ويلوح ... بسماي
اذوبن من اسمعة يصيح... بسماي
عجب يا عين شو تبجين ... بس ماي
ابجي دموم على الراح من ادية
.............................................................
قضية اسمك وعلى اسمك ماشخطنة
ازدحام واحنة على دربك ماشي خطنة
شتضن من كد حلاتك ماشخطنة
لاوالله اليشوفك ينشخط مية بالمية
..............................................................
رضعتني الدنيا همهه منهدهه

طحت والطحة طحة منهدهه

والله ابسدري حسرة منهدهه

ابچي المن صخر گلبة علية
..............................................................
يرف كلبي من اشوف اهواي وجلاي
تذوب وشربي صار الصبر وجلاي
يطيري لاتروح ابعيد وجلاي
تذوب الروح من تبعد علية
*************
تعال اسمع لحن روحي شجاهه
وشوف اشبيهه مابيهه شجاهه
الصخر لويسمع ويفهم شجاهه
جاحن ونزف دمعة عليه
*************
تنام الناس نص الليل وناي
أون محد سمع ياناس وناي
تعال اسمع لحن هالروح وناي
تعال وشوف حال اتحن الية
*************
تعال وشوف نارالتشب بياي
ابسبب فركاك شيبة احترك بياي
أخلافك صرت اكض الراح بياي
امسودن من تجي ايردعكلي الية
***************
سكرت انه بغرامك كبل مابيك
وحور عينك كتلني اسرارمابيك
لون كلبي يصيح بصوت مابيك
ابدلنه بحجر لوعم علية
************
بوحشة ليل وجهك صار ايناس
وكتبت بدم على الدلال ايناس
تسأل أمي يمك أحد؟ ايناس
لأن الناس كلهم انته اليه
***********
الطيبه ماشفته من سواكم
واصد الحسن غيرك ماسواكم
حرت مشدوه ونشد من سواكم
كسب اجرين بيك واجربية
*************
علي غابت شمس كانون هاأين
يون كلبي عليه كل ساع ها اين
باء انه صرت مابين ها اين
هواك الكبلي والبعدي هوية
************
وحك الهاء ثم الباء واله
الك ناس التنطرك بيك وله
حزن بالروح صار اسنين وله
أمل انته التردالفرحة الية
*************
أمل روحي ونطرك ونته سلهه
أخذهه الجسد ملهه ونته سلهه
حلفه تحبك ونته سلهه
أذا غيرك تحب ذبهه عليه
**************
يكلولي تعاند ليش؟؟ ج:: ماصار
مدري شظام وكتك الك ماصار
اناطر فرح من صباي ماصار
وربه اوياي الحزن مربة الخويه
***************

هذاك انته الچنت عالروح ماين
اشعجب منك بوادر خير ماين
يجن عالغير ليلي وعليّ ماين
ويجن ليلي من اشوفك بدر ضيه
***************
يجن ليلي من اشوفك بدر بسماي
وتجن الروح كون اتصيح بسماي
فرات اشفاك كون ارتشف بسماي
وعسل دجله بلسانك عذب مية
***************
لالي أتغار بالدنية ولامن
وجريم ولاتجل ايدي ولامن
كصه بية الوكت ووجر ولامن
صديج اولا اخو الينشدعليه
**************
أحجي بوزن وفهم ملغطانه
بكثر برد الضماير ملغطانه
الكتلنه بجرم دمنه ملغطانه
بسجن ذبنة وعلينه اتهام ميه
.............................................................
رضى كلبي علمودك000 من رخصتك
وسومن بيك غالي000 من رخصتك
دست فوكي دكلي 000 من رخصتك
حته ابراحتك تسحك عليه
=====================
ياهو اكثر يحب قيس انته000 ونه قيس
خذ مثل العشك انتي ليلى 000 ونه قيس
صرتلك مسلم وسيد 000 ونه قيس
شصيرلك نيوتن حته اترد اليه
=====================
وحق اللي تعبده الناس000 وحده
حبك سلب مني الروح 000 وحده
هذني اثنين ونته اختار000 وحده
ترحل لوتظل محبوب اليه
====================
ذهل حشنج خلاييه العقل 000 ولعين
وصبحنه ابوصف هذا الطول 000 ولعين
لو تدري الصبايه بيج000 ولعين
جا طلبن من اوصافج هديه
..............................................................
حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه
..............................................................
همي من كـــثر يذبل وراها
ونار القلب مــا يخمد وراها
كل شده يـــهل وادم وراها
فرج ، والفرج من رب البريه
..............................................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الخميس مارس 13, 2008 9:21 am

يروحي ابيا درس نقره ونتلاي

اون وحسبت ربعي ونتلاي

الوراي اصبحو جدامي ونتلاي

وراهم والوراي الحك عليه
خضر العراقي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــروحي افراكم غفله صدلهه

مثجبه وسهم المحتم صدلهه

امر بدياركم وسمع صدلهه

انتحب وصفن وطك بثنين اديه
ــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
وعليها الروح تتعـذب ولاجت

من أمس لليوم لاحطت ولاجت

ولا إلها جدم بــرض الوطيه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــحبيبي شيوصلك وانـت ثريه

نشف دمعك وانه دموعي ثريه

رغم عسري تظل نفسي ثريه

بظلام الليل اوجن لـك ثريه

ولن كلبك بلا رحــمه ثريه
.........................................................الدهر يا صاح بالفرقه ولانه

ولانوبه انكسر كلـبه ولانه

لا انت عرفت الحـب ولانه

نسينا الشوك واخلفـنا وعدنا

وعلى الهجران ردينا وعدن

هذا من الوكت والحب وعدنا

يفر بيه الوكت نوبه وفر بيه

ومن ثلج العمر دربي وفر بيه

اشرد وين انا بكلبي وفر بيه

بدرب مسدود ومتيه محـله

ادموعي جم ذنب كلبك محله

بعد طير بضباب ابدا محـله

ولا أظن بعد نتلاكَه سـويه
............................................................

بتاج الفرح ولــفي توجاني

وحسن ردلي شبابي توجاني

من أثمار المحــبة توجاني

كلبي الشبع ضيم مـن الأذية
...............................................................

يكاس العمر ما ظلت وشل بيك
ويجرحي لشوكت تنزف وشل بيك
تكلي ليش متمرمـــر وشل بيك
تهت منهو اليـــــدليني عليه
..................................................همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه
.............................................................
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه
......................أريد اعبر بحــر دمعي وفيه

وعليج اكطع ألف فيه وفيه

ابشمس حبج انه معذب وفيه

وما عندج وفه واسـمج وفيه
محمد العراق اخو خضر
...................................................
***

عليك اهواي ونـينه ولعنه
شجاك انسيت يمدلل ولعنه

متى اتواصل

كلب ذابل

جسد ناحل

دمع سايل

حجي الباطل

رمح شاتل

على العاذل

أريد ادعي بكلب ذايب ولعنه

وشاك وغير اطـباعك عليه
.......................................شنهوا اللي على المخلوك داره
وشنهوا العاف بزره وسكن داره

وشنهوا المايعيش بغــير داره

وشنهوا الما ينـــام إلا بتحية
.............................الكمر يلي على المـخلوك داره

الزرافه العاف بزره وسكن داره

السمج الما يعيش بغــير داره

الفيل الما ينــــام إلا بتحيه
............................................... أحبابي اشنـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه


مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية


أتلعثم من أشوفــــــــن وسطك أنا
أومنوا لوشوش بذانك واسطك أنا
تقلي ويــنك أنتــــــــه وسطك أنا
تــدور بــالنـبـض تـعـــــثر عليه


احبك ما أحب عل الأرض سواك
سبحان الذي من طــــــــين سواك
بشر لكنه ويال القــــــــمر سواك
واحد فوق واحد بــــــــــين ايديه





أشنون الروح اكضها من تهم بيك
أو مثل تهمه حبـيــبي من تهم بيك
الضيم اليمر بــــــيا منته تهم بيك
ولاجنك وأنا مبـــــــــــــين عليه


أصد وازعل وادير العين طبعان
لجن لجمات إلك بالقلــب طبعان
حلو بكلشي لكن بيــــــك طبعان
تـشــــك وتــغار بيــــــــها عليه


أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه


بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحقني بالشفا قبــــــــل المنيه



نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهم ودلاها عليه


حبيبي اختارك الــــدلال واشراك
عجب تحفر حفر لهواك واشراك
وحق مني الاله إنـــــداد واشراك
أحبك لو تصير احــــــــزاب إليه


نقل طرف الجذيله وحـــــيل يرها
حجي الغالب على المغلوب يرها
أنا روحي أشعره والمجنون يرها
لون عــــاقـل تــرك منـــها بـقـيه


حبيبي اديارنا لـــــــوجيتوا مرها
أونفسك عالوفـــــا والطيب مرها
أنا عشرتك ضقت حلوتها ومرها
بويا طلع مــــرها أمر امن المنيه


أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
قمت صليت من غــصبن عليه


جمالك زاد عن يوســف وقبله
وحبك صار لي منــــــبر وقبله
أمر أعلى الصخر يافلان وقبله
لأن قلبك صخر مـــــاحن عليه


يدنيا انتي ابعدابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه


أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه



اشمالك يازماني عـلي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبــني بنويه


المصايب بس على روحي تلافت
يقلبي اعله النكر طيــبك تلافت
اون وعطامي بهــجرك تلافت
طريح وســاد دوب النفس بيه


يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه

أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه


صب دمعي على الوجنات ياهل
أوماتدرون بيا اشصـــــار ياهل
صرت عصفور جني بيـد ياهل
أهـو يــلعب وانــا اشــــنون بيه


لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه


أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـــــيا كفاني
أنا شجاني اوعاودة سوده عليه


شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه


وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه



تبنا من العشـــــــق واردود عدنه
وحسبنا اسنين مره وتــــــاه عدنه
أهوايه بالسلف حلـــــــوات عدنه
لون روحك صدق خضره وطريه


زماني جرد اســيوفه وسنهه
عليه اوحرمــت عيني وسنهه
وحق اللي فرض خمسه وسنهه
بعد هيهات عيـش ايصير اليه


أنا ماحسبت لن شــوقك وبالي
وعودي ذبل بفــــــراقك وبالي
أقوم أنا أويا الربع واقعد وبالي
بويا يمك ولشـــــواق أدور بيه


يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلوني شجيه


حبك من شفـــــاف القلب عتباي
ولانوبه أذكرتنا واوصلت عتباي
أعتب مانفـــــــــــع وياك عتباي
على ياهي أزعـلت واقطعت بيه


هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه


بــودادك آخ للـــــــــــدلال فخار
جدب كلمن عليه الجـــــــد فخار
اختلاج الناس من صلصال فخار
وحبيبي اختلق بالقـــــدره العليه


اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه


صعدت اجبال فوق اجبال عالي
أوصرخت صوتين يم قدله تعالي
يـنـيـت قـــصـر بـالجـــنه تعالي
نــرد نـســـكن أنـــا ونــته سويه


كحل بالعـــين أحـــــــــبابي يحطون
أوياحربه أمسومره أبقصبى يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه


روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه


دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه


روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه


قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه

يشقر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه


وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه


أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه


انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه


كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه


حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه


بعدني ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه


ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه


علامات الكبر بـانت ولاحن
أوخويا المنكسر قلبه ولاحن
بعد ما أنشد عنــــهم ولاحن
ولاحن بعد بالمـــــــالي بيه


عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه


حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه


قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه


بتاج الفرح ولفــــي توجاني
وحسن ردلي شبابي توجاني
من اثمار المحبــــه توجاني
قلبي الشبع ضيم أمن الاديه


نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكاد بيه


مر ولفي ايهبتـني ومره هبته
ومره اوصلت يمـه مره هبته
طحت مقدر يصاحب مره هبته
اسد يخسه الاسد ملقــاه اليه


وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه


أحبـــج ما أحب غــــــيرك بدالاج
أوشوقي مابدى الغيرج بس بدالاج
أنــا ويـن القــى يا ......... بدالاج
مــلاك ومــن الســـــما نازل عليه


وحق الالف واللامــين والها
روحي بهوى ساهي العين ولها
لها ثغر وجبين وعــين والها
خذ شبه البدر لو سـطع ضيه


سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي والنظر اقــبالك عليه


سمر لو بيض يعجبني شكلجن
تنور اشماتــــــــقللي ابشكلجن
لون واحد على حـالي شكلجن
بويا تحنـنـتن وانا النــيران بيه

الرد

اشتــبي مــنا تســــألنا ابـــشكلـــــنا
بويا ورد جوري أبوسط جنه شكلنا
لون واحد على حـــــــــالك شكلنا
بويا عصرنا الزلـف وانطيناك ميه


حيره ابياسجيه أمتدح وصفى
أنقى امن الذهب والماس واصفى
أعلى امن الوصف والمدح وصفى
ابكل خصله حرت وابكل سجيه


حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه


أسنونك بيض لون الوفا بيهن
أودواليبك وفر بيهن
لون جنحان عندي وفر بيهن
وجيك أبليل جد تطري عليه


حبيبي أومهجتي أودنياي ونته
ترى المالوم صعب اهواي ونته
يصاحب تاه مني القلب ونته
بس لو صادفك تلقاه إليه

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه


ليش انته على الحبوك تنحال
وظلوعي ابيوم شال الظعن تنحال
إلك عقده ابدليلي عيب تنحال
لما يطلع جديد الشيب بيه


حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه


غياب اجفاك لرموشي لجهنا
عميت أوروح ماعادت لجنها
وحقك غالي او دمعي لجنها
ارخصت من يوم شح وصلك عليه


يناهي جوز عن هالطبع وتراك
ومثلك منوجد بالعرب وتراك
خذك نار لوفانوس وتراك
وشعرك ليل والقصه ثريه


هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه


يكت دمعي بيابي دمى واجفى
إلى ويا الخان يوم الحشر وجفى
انجان انته وليفك زعل وجفى
أنا ولفي نكرني أوخان بيه


أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه


اندهني هم اضربك بيس واجراك
وعساك ابمثل حالي أتصير واجراك
يجي يوم الوجر فوق واجراك
واهلس ريش جنحانك بيديه


يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه


روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه


عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه


لطـــب البـيـتـكم وابــــــــوق واسطي
وابـــوق أمن القـــــلاده ذهب واسطي
حسافه شفت طولي أو ماشفت وسطي
وســــــــطي كــله أقـــمار أو نور بيه


ابكـــثر مانوح ملوني يراني
طحت والشــامت ابعينه يراني
يخوتي السبع مـن جسمي يراني
اكبال اهلي وعمامي اتشوف هيه


روحي والهوى ودنياي وعداي
علي وشلون اشيل الجدم وعداي
صابر وانتظر واشـوف وعداي
ابفرح لو دوم وكـتي محيط بيه


من وجدي لهـيب الشـــوك ورباي
نديمي وعلى ادروبك اصد ورباي
ابن كلبي وضـوه للبــــيت ورباي
فرح شوفـتك من تخـــــطف عليه





بودادك آخ للدلال فخار
جدب كلمن عليه الجد فخار
اختلاج الناس من صلصال فخار
وحبيبي اختلق بالقدره العليه


تظن انساك وانته الروح واسلاك
سبب مايوم مني انقطع وسلاك
أعيش آنه عقب فرقاك وسلاك
معافي والوشاة أعملوا بيه





أنا صابر وانتظر واشوف وعداي
أنا طحت ومرضت مرض أيوب وعداي
أنا خبرك ياحبيبي درى بوعداي
البقى ابراسك هواك العمل بيه


نحيل الجسم بودادك وداراك
عجيبه الغيرك عني وداراك
أحلف ما أصل بابك وداراك
ولاقولن جنت صاحب إليه


من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه


الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه


أضعضع حيلي من فرقاك ونهار
اوعليك ادموعي صبن مزن ونهار
بعد ماعرف طعم الليل ونهار
إتعمى عين الغفت بجفاك إليه



مدري لاتناشدني على احشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه


تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه


اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه


ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه


قسيت اوياك يسمر عمي أنا
أوعين الماتشوفك عمي أنا
إذا خالك فزع لك عمي أنا
تبرى أوضحك الوادم عليه

الرد

عايش اومختلي ابحالي وخالي
وشوف اهواي بعيوني وخالي
عمي دب علي جمره وخالي
جاب امهفته وهفه عليه
نديم الروح ياحنين صبلها
حنينه وشافت بعينك صبلها
مقامات العشك حبك صبلها
بقيثارة عواطف سومريه

غرابي فوك تلك الشجر ينعاب
اخاف اهلك عليك وعلي ينعاب
الجان اليس منه الجبد ينعاب
ونه كلبي تسله بين اديه

روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه

تشوف اهمومي بعيونك وترها
وتغيب وتكطع بروحي وترها
يرهيك الوكت يسمر وترها
وتصير انت ابو الراهي عليه

شالوا لا على مكصد وداعي
ابليل ولا تنه الحادي وداعي
يحكلي لنسف اذراعي وداعي
بحك وخل تلوم الناس بيه

لون داءك عسير اليوم ولداك
وكلنا ياطويل العمر ولداك
وعلي الهز باب خيبر كبل والداك
السلفه انت السمه واحنا الوطيه

رفضنا كل مذله احنا وبينه
الشهامه انغرست بحينا وبينه
انت خالنه وعمنه وبينه
كف دمعك ولا تبدي الشجيه

اوحي لي تبتعد ويطول بعداك
الحال اتصير حال الضيم بعداك
حلو كل مرار العيش بعداك
بيوم اتشمتو بجفاك اليه

همي من كثر يذبل وراها
ونار الكلب ما يخمد وراها
كل شده يهل وادم وراها
فرج ، والفرج من رب البريه

الصديق اللي نشوفه نقي ونظيف
نود كل يوم نبدي اعليه ونضيف
علي طيبه نجمل طيب ونضيف
بكثر معنى الحروف الابجديه

متى من ليل هجر اجفاك تنهال
اشجره وسياط هجرك علي تنهال
عزيزه دمعتي وبجفاك تنهال
مثل هل السحاب اعلى الوطيه

انشدك من لهيب النار شكوه
اعطشت ومن السراب امليت شكوه
اشتكي عندك عليك بالف شكوه
ولا كلبك سمعها وحن عليه

الكلب شاجر على ابن أمه وداوي
تضعضع ونهدم ركنه وداوي
لا مجروح حتى اكعد وداوي
ولا غايب وكول يعود ليه

تهزهز يا كبر وانفض ترابيك
وعزيز الروح هالنايم ترابيك
اجاني العيد وعيوني ترابيك
انهض لاتشمت اعداي بيه

علام الدهر شتتن وطرنا
عكب ذاك الطرب بالهم وطرنا
الف ياحيف مكضيته وطرنا
ليالي اللي مضت متعود ليه

...............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الخميس مارس 13, 2008 9:32 am

كون انكلب غصفورواسكن سطحكم كلما
اصيح ويص مهناها احبكم
...............................................................شايف الكلب انتدكاته شايف
العمر انت لحضاته شايف
...............................................................مساء اللوز و الفستق عليهن
زبده البندق يااجمل من خلقربي اذا شافك
حجر بنطق
............................................................ لو اسهر الليل كله انصاب بالف عله واعيشعمري
بمذله عن حبك ابد مااتخلئ
..........................................................
شكثر عندي اعزاز بعيوني
ذني بس انته اعز الناس حتئ اعز مني
...........................................................
شنو الفرق بين الرصاصه والبوسه
الاولئ تكتل الروح والثانيه ترد الروح
............................................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الجمعة مارس 14, 2008 9:51 am

(للشاعر رياض الوادي)
فرس گالو علينا و گلنا سهلة تهون ** سمعناها و نكرنا ما سمعناها
گالو مو عرب! شلة بويهيين ** حچوها بكل صلافة و عبريّناها
سوالفهم عظم خرم لهات الدين ** انترس دم الحلگ منها و بلعناها
إلرضو ولما رضو طاح الصنم ونهان ** وغرور خشومهوم بالوحل دسناها *
ساعة غوغائي ... يسموني الجماعة
وساعة ذوله مسودينين الشيعة و متانين مهدي
وساعة سويني مجوسي
وساعة اجيت ويالدواب من هند يعني أصلي هندي!
انا هندي؟؟
يعني ابو ميتاب باباچان جدي؟
هل اگول اذا امي تشعل بخور ريحته تكزبر بجلدي
لان هندي!
والله لأرد انعل ابوكم يا ابو هاي المسرحية
سرسريه **
..............................................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الجمعة مارس 14, 2008 10:20 am

-_زهري... جميل_ -
اعرف حقيقة علي واتمعن بواقعه
جم معجزه ومعجزه تشهد اله وواقعه
ان جان ربنه اذكره بالدهر والواقعه
جا ليش ياهالبشر لشخص الولي تقارعه
من عنده اخذ العلم لاترمي عالقارعه
اقسم بكل الرسل والنبأ والقارعه
بس حبه يشفع لنه لو حلت الواقعه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اشتاك الك ياظريف الطول واللاني
وانسى هواك ان ذاب الحجر واللاني
ان چان الدهر يوليف الجهل واللاني
الن اجازيك عن ذاك التعب بالراح
وماهي غبيه مكانك بالحشى بالراح
اصبر وانااصبر ودع ماصابنا بالراح
وشوف الدهر يستذل ياصاح واللاني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يابحر الاوهام ليمت انا اصل ساحلك
والعب بكيفك علي ماني صرت ساحلك
ياما بشوك الجفن دم ودمع ساحلك
وانته بدليلي تزت ارماح واحرابي
وياما لاجلك حملت شتاي وحر ابي
الدهر عليه يحجي معلن حرابي
ويكول ماجوز منك ساحلك ساحلك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نزاح منه الحزن والقهر ظل الهم
وسنين واكف بعز تموز ظل الهم
عافوك عز الخلك ياگلب ظل الهم
عوز ومرارة وجرعت سموم في دلهم
وما يحبونك اذا متجيب فا دالهم
افديت عمري وحياتي وروحي فدوة الهم
وضليت بس الجسد وگليبي ظل الهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
احسب جروح الوطن لاتحسب اجروحك
لاتنطفي كل الحطب بالشرف وج روحك
ونراد كاس الوطن يسجيك فج راحك
حبل الوطن من ينكسر شـــــــــــــدة
لابد يصيبك عسر گبل الوصل شـــدة
حايط ضلوعك على ساس الوطن شدة
او جرح العراق ان نزف لاتبخل ابروحك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
[url][/url]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   السبت مارس 15, 2008 9:29 am

وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه

حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه

وحم الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه

يحادي روعت قلبي بلحداي
يخايب لفني وياهم بلحداي
اون طول الدهر حتى بلحدي
على الساروا وخلوني شجيه

كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه

حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه

ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه

اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

المصايب بس على روحي تلافت
يقلبي اعله النكر طيبك تلافت
اون وعطامي بهجرك تلافت
طريح وساد دوب النفس بيه

عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه

روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه

تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه

هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه

ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه

قوم انصب يصاحب ماتم النه
على الوياه ليله ماتم إلنه
لون الرجل يملك ماتمنه
مهو بالهون فركاهم عليه

يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه

تظن انساك وانته الروح واسلاك
سبب مايوم مني انقطع وسلاك
أعيش آنه عقب فرقاك وسلاك
معافي والوشاة أعملوا بيه

هذا البيه كنتم لايميني
وعذر مافاد بيكم لايميني
لو تكتف يساري وي يميني
هذاك انه الهوى غالب عليه

اشمالك يازماني علي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبني بنويه

مدري لاتناشدني على احشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه

أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه

نصحته اولا نفع وياه نصحاي
سكاره احنه بهواه مابعد نصحاي
جفاني وصرت نصي ميت نصحاي
نحيل ولا اثر نكاد بيه

وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه

اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   السبت مارس 15, 2008 9:32 am

في مدح أمير المؤمنين علي بن أبي طالب (عليه السلام)

نفوس اهل الضغاين من فتاها

وفــتوات الملاحـــم مــن فتاها

أنـــشـــدك عن الامه من فتاها

ويـــا هــو الرفع رايتها العليه

* * *


في مصاب الطاهرة فاطمة الزهراء (عليها السلام)

مضـــرار الـــدهر للــزهره ولاهي

وگـلــبــها حگـه لو يــجزع ولاهي

لا هي الحــظت بالـــهادي ولا هي

تخلصت مــــن افـــعال الجــــاهليه

* * *


في مصاب الإمام الحسن بن علي (عليه السلام)

فـــرح ما شفت طول العـــمــر بسـهام

ومســـيل الدمع ظل يــسيل بـــســـهام

الحســـن نعشه وسافه انرمــه بسهام

ومنعــــوا دفــــنه يــــم ســيـــد البريه

* * *


في مصاب الامام الحسين بن علي (عليه السلام)

العـــلـه عــاف العله شانه ورحلك

وزمانك ما صـــفــه ساعه ورحلك

تــگـــطَّع جســـمك الطاهر ورحلك

تـــوزع شـــمله مـــا بـين آل اميه

* * *


ندبة للامام الحجة بن الحسن (عجل الله فرجه)

يـــبو صالـــح نـجومك علن وفلان

احــــل ويــــاك حبــل العتب وفلان

دينــــك طـــاح بيــــن فــلان وفلان

انـــوله لاچــن ولـــوه اشلون وليه

* * *

دليـــلي ابسـهم يبن الحسن مرمي

وعليك الدمـــع دم ايــســيل مرمي

ديـــنــك بيــــن هـــذا وذاك مـرمي

اجـــنـــازه ابلا أهـــل ظـــلت رميه

* * *


خطاب العقيله زينب لاخيها العباس (عليه السلام)

الــگــلب بـــالعزم صبــرته ومنته

وفرشته اعله الترب يـــمك ومنته

منته الكـافــــــل ظعـــوني ومنـــته

الجبتني وياك ليـــش اگــطعت بيه

* * *

اهمومي هموم فوگ الگلب منتل

وســــبّاح الـــدلـــيل إعــليك منــتل

گـــوم ارجــعــنه يـــا عباس منـتل

جبــتــــنه ويــاك لـرض الغاضريه

* * *

الـــدهر شتـــت شـــملنه بالظعينه

ودلـــيــلي سيـــوف اميه بالظعينه

وســافه الــشــمر يحدي بالضعينه

وابـــو فــاضـل عــلى الغبره رميه

* * *

يعــــباس اســتــمع عـتب ولا ماي

غـــريــبه وزادت ابفگدك ولا ماي

مهــجــنه بالعـطش تلهب ولا ماي

يخـــمد جـــمر لــوعتــــنه السريه

* * *


عن لسان حال الصابره ام البنين (عليها السلام)

الـــليالي ما اصــدلهن ولا عــــون

دعـتني لا ضمد عندي ولا عــــون

لا عـــباس لا جعــــفر ولا عــــون

ولا عثـــمــان كـــلها اگــطـعت بيه

* * *


خطاب زينب لأخيها الحسين (عليه السلام)

يـــبو الـــسـجاد گلي شصار وجره

أهــيّــس نــار حـــدر الظـلع وجره

يگـــلــها الطفـــل دمـه سال وجره

رضـــيــع وفــطــمته سـهام المنيه

* * *


عن لسان حال ام كلثوم في غربتها

رهــــيــف العــسر لظلوعي حدبها

وشبيه الگوس والحـــاجب حـدبها

الظعاين عگـــب حـــاديها حدبـــها

الشمـــر وايـشومر ابسوط الرزيه

* * *


لسان حال الامام زين العابدين (عليه السلام)

اون ونحـــب وانـوحن وحن ويهاه

على الراح وچـــبـدتي ابنار ويهاه

الي والد شــبــيــه البـــدر ويـــهاه

الـبـدر عجـــبه ايــتوسد عــالوطيه

* * *


في شجاعة مسلم بن عقيل (عليه السلام)

بـــنه بـــيت العـــزم سيفه وحيفاه

عجيد ويدوي بالـكـــوفه وحيــــفاه

اخـــذ مـــن الخــصم حگـه وحيفاه

وغـفـت عــينه على سروج المنيه

* * *


خطاب سكينه بنت الحسين (عليه السلام) مع عمها العباس (عليه السلام)

لســـاني يلـهج باسمك ورديت

وعساني مثـــلك اتوذر ورديت

اجيـتك للنهر انحــب ورديـــت

خفــــت لــن النهر يشتمت بيه

* * *


خطاب الرباب لولدها عبد الله الرضيع

ضمـــيري ابكعـــبة المحنه يطفلي

ومهجتي من تشـــب دمعي يطفلي

آنـــه امـــك واهـــز مهــدك يطفلي

نســـيـت امصـــوب ابـسهم المنيه

* * *


خطاب رمله لولدها القاسم بن الحسن (عليه السلام)

يجـاسم يـــبني حيلي عليك دمعاي

ودلـــيلي بــالنحب والـنوح دمعاي

اشلون اصبر وانشّف سيل دمعاي

وشفـــت دمــك يسيل اعله الوطيه

* * *


خطاب ليلى لولدها علي الأكبر (عليه السلام)

راســـي علـيك يالاكبر يشبلاي

وجمر فگـــدك ابدلالي يشبلاي

لوين أبعدت عــن امك يشبلاي

وعفتني بالغـرب واگطعت بيه

* * *


خطاب الطفله العليله لدار الاهل والاحبه بعد الفراق

الفـــلك مـــا يعتدل بالعكس يا دار

ولا ينشف دمـــع عــيـــناي يا دار

يــــدار الاهـــل اهــلـچ وين يا دار

گـــولـــي ولا تــخــليها خـــفــــــيه

* * *


جواب الدار لها

يــــهالتنشد عـن اهلي وين ماوين

تعنّوا كـــربـــله والظـــعن مــاوين

اشـــتــظن گـلبي عليهم ابد ماوين

يون وينوح كـــل صــبح ومـــسيه

* * *


خطاب الطفله حميده مع والدها مسلم بن عقيل (عليه السلام)

زمـانــي عگـب عينك سلمتني

او راحـــات النــوايب سلمتني

رحــت عــدمن يـبويه سلمتني

يــتــيمه ويـا شهم وصيت بيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   السبت مارس 15, 2008 9:35 am

أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه


يدنيا انتي ابعدابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه


يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه


أحبابي اشنـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
__________________
*·~-.¸¸,.-~*وبَشــــــــِّـــــــــــــــــر الصـــــــــــــــابرين*·~-.¸¸,.-~*
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خضر



عدد الرسائل : 19
العمر : 25
الموقع : kter199@yahoo.com
تاريخ التسجيل : 10/02/2008

مُساهمةموضوع: رد: بيت ابو ذيه   الأربعاء مارس 19, 2008 9:33 am

ابوذيات خاصة بمولد النبي (ص)




عكدت حبّك بدللالي ولفلاك
قطب للمعجزات اسمك ولفلاك
علي يلصار محرابك ولفلاك
ما والفت اشرار البريه
-------------
رفعنه الهام بسمك وانتهمنه
ولاغيرك يهمنه وانته همنه
ابتلينه بسبب حبّك وانتهمنه
روافظ صرنه ياحامي الحميه
-------------
شكث آلام شاهدنه ولعنه
بحب حيدر يضل دايم ولعنه
من ألله ألف لعنه ولعنه
على المايقتدي بحامي الحميّه
-------------
جفوف الفخر بس عليك يامن
ألتمسّك بيك من الخطر يامن
علي يمصيّر ألألباب يامن
عرف معناك بس ألله ونبيّه
---------------
انفتنّه بحب علي افرض يلمنه
خلّه الايم ابحجيه يلمنه
علي باجر على الكوثر يلمنه
ونرشف بالكؤوس الحيدريه
-------------
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي وافتخر

avatar

عدد الرسائل : 34
العمر : 27
تاريخ التسجيل : 17/06/2010

مُساهمةموضوع: رد: بيت ابو ذيه   الخميس يونيو 17, 2010 2:04 pm

لجل تعبك اقدر وانه اشكر
الناس صارتلك ملح وانه شكر
الزمن ماكر بعد طيبك وينه اشكر
لان طيبك يسد حد المنيه


عدل سابقا من قبل علي وافتخر في الإثنين يونيو 21, 2010 6:45 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي وافتخر

avatar

عدد الرسائل : 34
العمر : 27
تاريخ التسجيل : 17/06/2010

مُساهمةموضوع: رد: بيت ابو ذيه   الإثنين يونيو 21, 2010 6:36 am

عشرتي وياك سنهه ما سحكته
وطحنت الكلب كتلي ما سحكته
من دربك مشيته ما سحكته
احس جن الدرب يسحك عليه


موساف انته عقلك علمسافات
وشعرك ليله ظلمه علمسفات
اليحب يعتني غصبن علمسافات
ويبجي الليل لو حن بلمسيه


كلبك ابد ماحس من اذاني
ومااعرف صلاتي من اذاني
جنه اثنين كطنه من اذاني
وانشلعت بعد منرد سويه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بيت ابو ذيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الحيدري الثقافية :: القسم المنوع :: منتدى الشعر-
انتقل الى: