تسالني اعله قوميتي ؟ قوميتي العراق العرب والاكراد؟ وحسين انتمائي او رمز قوميتي*
او مامحتاج فزعت عجم لا عربان
ورفض اي تدخل في خصوصيتي
انه ابن الجبل والارض كردستان
اوتسوه القاهره او عمان كرديتي
تركماني عراقي او صنف دمي اعراق
وبمحضه اختياري الغير تركيتي
شتعني الجامعه اوكبت علي العنوان
والطف والحسين اشعاع ثوريتي
اني ابن الصدر والعنفوان حسين
اين ابن الرواقص من حسينيتي
انه خير العمل ردده جبرائيل
وبلوح العرش مذكور تثبيتي
اني ابن الغري والكوفت الحمراء
وبيوت العرب عنوانهن بيتي
اني ابغير عمرو كل اموري ابخير
بس يدخل علي تلاص وضعيتي
على الدنيه العفه اولا طال عمر الكون
اذا من عمر موسى استمد شرعيتي
هو وين الشرع والعرب كله اخبار
ونفضهم نفض من ذيل خاجيتي
العكدوالحل بدية وانة راعي الحال
او مامحتاج منكم واحد ايحلي
انه الماصرت تابع وقرء التاريخ
انه الكل اوكلكم جزء من كلي
اجداد اجدادكم جانو الجدي اتباع
او هسه انتم وهلكم ضل لعد ضلي
انه امعدل وعدل المايلات اوياي
روح اعدل ربعكم لا تعدلي
العصايب ملعبي ورتاح بالازمات
وتشايل بحملي شما ثكل حملي
وبشرك صافيه او ما عندي اي اشكال
بس اصلا وجودك صار يشكلي
اطلع انت منه او لا جزاك ابخير
يا مصدر الفتنه اشجاي شدكلي
رجعتو الفتنت التحكيم يبن العاص
وبدعوت تحاور جاي تختلي
شحاور ناجي صبري لو شرذمة صدام
لو هذا الارهاب المستحل قتلي
هاي منشوكت صار الامر يعنيك
وتهمك اوضاعي تريد لم شملي
دخليك اعله حالك واني ما محتاج
انه افتك وخيط روح لتشلي
شل افتوك ربعك من عدن للشام
خربانه العرب يا عرب متكلي
سلملي اعله عمرو او كله ما مشكور
والافضل اتركه اولا تسلملي
انه العلمت ربعي الراي والتدبير
ماعندي قضيه ايحلهه ابن حلي
الجمعة فبراير 15, 2008 5:59 am