حسنه ملص
ياهو المنج اشرف خاطر اشكيله
دليني يحسنة اوباجر امشيله
امشيله وسولف كل حجي المضموم
كبل حفاي كالو هسه ماكو اهدوم
بيتي امنلقنابل والقصف مهدوم
او حكومه بلا حكومه بغير تشكيله
تنازع علكراسي والشعب حفاي
وبشرج لا غذاء لا كهرباء لا ماي
احنه اهل النفط والكاك عد زلماي
يا حسنه الحكومه تكدر اتشيله
حكومتنه الرشيده ليش هل تاجيل
مو مطرت علينه امن السمه سجيل
بلوه احنه ابتلينه قابل اهل الفيل
مو هذا ابرهه خلو يرد فيله
جوعنه برهه والجوع ابو الكفار
ثلث اسنين اسمع ما اشوف اعمار
بس بعض الحكومه اصبحت تجار
بهاي اشهد يحسنه ابيوم وبليليه
تجار الحكومه والشعب حمال
او ياهو اليجي باجر ويغير الحال
من هاي السوالف حملينه اجمال
اذا ينعدل وضعي ينعدل ذيله
حكومتنه الرشيده ليش هذا البوك
والهاذه الشعب قط ما تضيع احكوك
باجر بنتفاضه انشك جثيره احلوك
عرفنه الباكنه او نهرف اليوميله
الجمعة فبراير 15, 2008 3:46 am